На месечината на Сатурн, Титан, астрономите забележале нешто што го нарекоа „светла преодна форма“, но не успеале со целосна сигурност да утврдат за што навистина се работи ниту пак како дошло до оваа појава. Некои од нив мислат дека можеби се работи за последица на брановите или пак материја која плива на површината на морето.
Астрономите сепак ја нарекоа оваа појава „магичен остров“, иако се појавила во многу брз период и во толку брз период се повлекла. Сите други фотографии направени откако се повлекол островот, веќе не го покажувале истото. Фотографиите биле снимени од сондата на НАСА, Cassini, која во орбитата на планетата Сатурн се наоѓа уште од 2004 година. На фотографијата е прикажан вториот најголем океан на Титан.
- Ова откритие ни покажува дека течностите на северната хемисфера на Титан не стагнираат во едно место, туку дека се случуваат одредени промени, изјави Џејсон Хофгартнер, планетарен научник од Њујорк.
Иако научниците сè уште не знаат за што станува збор, ќе продолжат со истражување на овој феномен. До сега имаат откриено дека на Титан постојат атмосферски прилики, односно промени на временски прилики и различни сезони. Сметаат дека „магичниот остров“ е резултат на таквите прилики.
Титан е единственото тело во Сончевиот состав на кој е докажано дека постои море, освен на Земјата. Морињата на Титан не се создадени од вода, туку од течен етанол, метан и пропан.