Телескопот Hubble забележал чудна низа од ѕвезди околу две епилептични галаксии кои се споиле. Извртената низа била долга околу 100.000 светлосни години.
- Изненадени сме од оваа морфологија. Одамна знаеме за овој феномен, но ваков распоред на ѕвездени јата никогаш не сме виделе, изјави предводникот на истражувањето, Грант Тремблеј од Европската јужна опсерваторија во Германија.
Двете галаксии кои се спојуваат се наоѓале во јато познато како Ј1531+3414 и двете со пречник од околу 330.000 светлосни години. За споредба, нашиот Млечен пат има пречник од околу 100.000 светлосни години.
Поради ова спојување дошло до вистински „ѕвезден бум“.
Истражувачите сè уште не знаат од што е создаден ладниот гас кој е одговорен за создавањето на ѕвездените јата. Можеби постои во галаксиите кои се соединуваат, но можеби и кондензирал од меурите на плазмите, кои кружат околу овој необичен дует.
- Што и да го предизвикал овој гас, резултатот е фантастичен, изјави Грант.