Една нова теорија смета дека црните дупки можеби умираат претворајќи се во бели дупки, кои што се однесуваат спротивно од тоа додека биле црни дупки. Теоријата е базирана според квантната теорија за гравитација. Научниците веруваат дека можеби токму ова ќе им помогне да ја решат дебатата за црните дупки и дали тие ги уништуваат работите кои што ги вшмукуваат. Според оваа теорија, белата дупка ги отфрла сите работи кои ги проголтала додека била црна дупка.
- Преминувањето од црна во бела дупка се случува токму во периодот на внатрешната формација на црната дупка. Надворешните набљудувања ја претставуваат црната дупка како да трае милијарди или трилијарди години, во зависност од нејзината големина. Ако истражувачите се во право, малите црни дупки кои се формирале во почетокот на Универзумот сега се спремни да се распрснат како огномети и можеби ќе се манифестираат како високо енергични космички зраци или некој вид на радијација, пишува во извештајот на истражувачите.
Според теоријата за релативност на Алберт Ајнштајн, кога умира ѕвезда често доаѓа до точка кога паѓањето е неминовно – точка во која станува црна дупка. Долго време се веруваше дека огромните црни дупки притаени во срцето на галаксиите ротираат и растат побрзо како што голтаат гас, прашина, ѕвезди и материи. Но, истражувачите минатата година ги измерија овие брзи дејствија, кои сега се надеваат дека ќе им помогнат подобро да го разберат процесот на црните односно белите дупки.