Површината на Месечината содржи цело богатство од титаниум, платина и други значајни минерали. Сепак, она што го привлече вниманието на кинеските научниците е таканаречениот хелиум 3 кој завршува на нашиот природен сателит благодарение на соларните ветрови.
Доколку Кина успее да дојде до вредниот изотоп, некои научници веруваат дека планетата Земја ќе биде обезбедена со енергија најмалку за 10 илјади години.
Хелиум 3 многу ретко се наоѓа на Земјата бидејќи нашата атмосфера и магнетно поле оневозможуваат да дојде до површината. Сам по себе не е радиоактивен, но дава големо количество на енергија, па многумина веруваат дека преставува гориво на иднината.
Фабрицио Бозато, од Универзитетот од Тамкан, Тајван тврди дека хелиум 3 може да биде извлечен од месечевата прашина така што истата ќе се загрее на температура од 600 степени.
Се претпоставува дека гасот има потенцијална економска вредност од 3 милијарди долари по тон и дека ќе биде доволно исплатлива варијанта.
За сега останува непознато како би изгледало земањето на хелиум 3 од површината на Месечината, како и на која земја ќе и припаѓа со оглед на тоа дека природниот сателит нема сопственост.