За време на претходната вечер светот имаше шанса да ја види „Супер Месечината“, која синоќа сјаеше како ниту една друга вечер оваа година.
Интересно, но во истата вечер имавме можност и да го гледаме метеорскиот дожд „Персеиди“.
Ова беше еден од најисчекуваните настани во астрономскиот календар.
Месечината синоќа нам ни се претстави во своето најголемо и најблескаво издание во последните 20 години, бидејќи освен што беше полна, таа се најде во точката во која е најблиску до Земјата.
„Супер Месечината“ е прилично честа појава. Во просек се случува на секои 13 месеци и 18 дена, а ова лето ќе ја видиме уште три пати.
Необично светлата „Супер Месечина“ е видена на 12-ти јули, а уште еднаш ќе се појави на 9-ти септември.
Само неколку минути откако пристигна до најблиската точка до Земјата, Месечината нам ни ја покажа целата своја осветлена страна.
Тој феномен повторно ќе се појави дури 2034-та.
Кога е во таа точка (перигеј), Месечината е околу 50.000 километри поблиски отколку кога е на најоддалечената точка од Земјата.
Погледнете како изгледаше овој феномен во некои од светските метрополи, меѓу кои и во Скопје.
