Роверот „Curiosity“ ја ископа првата дупка на планината Шарп, која е 5км висока. Токму оваа планина е примарна дестинација за мисијата на ова возило со шест тркала.
Машината ископала дупка со длабочина од 6.6см и успеала да собере примерок од земјата.
- Овој примерок од земја е од површината на планината, односно од местото од каде што планираме да го почнеме испитувањето. Понатаму ќе истражуваме и ќе копаме многу подлабоки дупки. Ова прво испитување на внатрешноста е навистина возбудливо бидејќи почнува да формира слика од времето кога се формирала планината па се до денес, изјави научникот Ашвин Васавада, кој учествува во овој проект.
Откако роверот слета на Марс во 2012 година, цела година ја помина во испитување на околината. Во овие испитувања, роверот пронајде повеќе форми на камења и карпи, за кои некои луѓе смета дека се докази за живот на Марс. Сега, испитувајќи ја внатрешноста на планината и ископувајќи дупки, научниците се надеваат дека ќе пронајдат извор на вода преку кој ќе докажат дека животот на Марс е навистина возможен.