Научниците стравуваат дека патувањата во вселената може да влијаат врз плодноста на астронаутите, а ова сознание би можело да ги одложи плановите за понатамошните мисии. Експериментите врз животните покажале дека машките и женските органи подеднакво лошо реагираат на бестежинската состојба. Радијацијата од вселената ги оштетува јајце клетките кај жените и создавањето на сперма кај мажите додека се во вселената.
Иако повеќето астронаути веќе имаат оформена фамилија, НАСА е загрижена и размислува за тоа да понуди замрзнување на јајце клетки и сперма. Американската вселенска агенција моментално проучува парење на група на глувци, за да дознае колку сериозен може да биде овој проблем. Претходните руски студии покажале дека кога во 1979 година машкиот и женскиот глушец биле пратени во вселената, веќе не се пареле. Уште една студија сугерирала дека по престојот на глодарот во вселената, тој веќе не можел да произведува сперма.
Д-р Џозеф Таш, од одделението за молекуларна и интегративна психологија на универзитетот во Канзас, на една неодамна одржана конференција во Хавана кажал дека астронаутите може да ги имаат истите ефекти.
- Немаме човечки податоци за да потврдиме дека она што им се случува на животните им се случува и на луѓето. Сепак влијанието на животните е навистина големо. Животните имале голема желба за парење. Некој астронаут може ќе се врати без никакви промени во однесувањето, а кога ќе посака да има бебе, нема да може. Поради ова мислам дека паметно би било астронаутите да ја сочуваат својата сперма и јајце клетки, за секој случај, изјавил д-р Таш.
Астронаутите пријавуваат низа на здравствени проблеми додека се во вселената, но сите тие се препишуваат на „вселенскиот летачки синдром“. Бестежинската ситуација предизвикува губење на густината на коските, како и забрзано стареење на клетките. Сепак, д-р Таш смета дека многу реакции се јавуваат поради хормонот естроген.
Вселената има интересно влијание врз спермата. Два експерименти покажаа дека сперматозоидите всушност пливаат побрзо во вселената, бидејќи опашката расте побрзо.