Ракетата „Antares“ експлодира само неколку мига по лансирањето во базата Валопс, па американската агенција НАСА покрена огромна истрага за оваа ненадејна експлозија. Поедини медиуми ја припишале кривицата на застарените советски мотори, кои ги користела ракетата.
Оваа ракета, направена од компанијата „Orbital science“ требала да прати капсула со 2 до 3 тони храна до Меѓународната вселенска станица.
Испитување
- Кога се работи за „Antares“, ниедна наша ракета нема да биде лансирана додека не сфатиме што се случило. Во едно сум сигурен – ќе откриеме што тргнало кон лошо, ќе го исправиме тоа и повторно ќе полетаме, изјавил Франк Калбертсон, претседател на компанијата „Orbital science“.
Мајк Сафредини, шеф на програмата МЅЅ во НАСА, вели дека за несреќата веднаш ги известиле астронаутите во орбитата.
- Разочарани се, но имаат доволно резерви на станицата, а наскоро ќе им пратиме уште повеќе.
Весникот „Washington Post“ објавил текст во кој тврди дека за несреќата најверојатно се виновни старите советски мотори, кои „Orbital science“ ги купила за да ги искористи за оваа ракета.
Советските ракетни мотори N33 користени на ракетата N1 се сметаат за моќни, но многупати имале рроблеми со работата меѓу 1969 и 1972 година, па затоа се повлечени. Не се користени се додека не ги преземала компанијата „Orbital science“. Официјалната причина за експлозијата се уште не е објавена, но многумина ги обвинуваат советските мотори, стои во текстот.
Лош избор на зборови
Сепак, најголемиот бес во јавноста беше првото соопштение на НАСА, во кое за несреќата е искористен терминот „peh“.
Зборот „рeh“ го означува кршењето на прозорец. Ова е катастрофа вредна милијарда долари, напишал Том Пејк на интернет, додека Стивен Кармикл напишал: Ако ова е „ рeh “, не сакам да сум во близина кога ќе се случи катастрофата.