Вчера, сондата Розета која во август месец влезе во орбитата на кометата 67P Чурјумов-Герасименкко, го испушти лендерот Plilae, кој требаше да слета на кометата. Имено, тој се одвои во 10 часот, а оттогаш научниците повеќе немаа контрола над него, па затоа целата ситуација беше оставена на лендерот. Сепак, 7 часа подоцна, лендерот испрати сигнали дека конечно се приближил до кометата и тоа на 3км!
Plilae веќе ги пратил и првите фотографии од кометата Чурјумов-Герасименкко. Кога научниците од Европската вселенска агенција ја виделе фотографијата ги облил неверојатен излив на среќа, бидејќи ова е прв пат лендер да слета на комета!
- Европа направи нешто што никој порано не го направил, напиша научничката Ана Гловер на нејзиниот профил на Twitter.
Лендерот слетал на областа Agilkia, употребувајќи одредени направи за да се прицврсти за нејзината површина. Оваа комета кружи околу Сончевиот систем, при што најблиската точка е меѓу Земјата и Марс, а најоддалечената меѓу Сонцето и Јупитер. Мисијата на Plilae е што повеќе да ги истражи површината и патот на кометата, со цел да се откријат значајни работи за нашиот соларен систем.