НАСА започна натпревар кој нуди награда од 5 милиони долари – највисоката награда до сега од оваа агенција! Освен ова, победниците ќе добијат и можност да учествуваат во вселенски испитувања и развој на технологијата, како и шанса за пат до месечината преку вселенскиот брод „CubeSat“.
- Овој натпревар на НАСА ќе ги ангажира натпреварувачите да развиваат нови технологии кои ќе може да се искористат во CubeSat и ќе ги демонстрираат нивните способности за вселенско истражување, изјави Мајкл Газарик, раководител во НАСА.
За да ја добијат главната награда, натпреварувачите треба да дизајнираат, изградат и да развијат мали сателити способни за понатамошни операции околу Месечината. Предизвиците и цената на средствата се поделени во три области:
- Теренски турнир: по 500.000 долари за првите четворица кои ќе успеат да го полетаат првиот лет на сателитот
- Лунарно дерби: по 1.5 милиони долари за демонстрирање на успешна комуникација и истрајност на CubeSat на оддалеченост од околу 4 милиони километри
- Дерби длабоко во вселената: 3 милиони долари за демонстрирање на способност да застане сателитот на стабилна лунарна орбита, да се прикаже добра комуникација и истрајност близу Месечината.
Достигнувањата од овој натпревар ќе овозможат напредок и тестирање на системите неопходни за понатамошните идни мисии, а може и да донесат нови идеи за мисии, вклучувајќи и мисии за астероидите околу Земјата.