Една Американка неодамна се вклучи во живо на радио со цел на слушателите да им помогне да ја решат мистеријата која ги мачи 27 години. Таа тврди дека видела две човечки фигури како шетаат по површината на Марс.
Жената која се преставува само како Џеки тврди дека работела за НАСА и дека мистериознион настан се случил кога била на должност во таа вселенска агенција.
Таа тврди дека видела на фотографии како двајца облечени во вселенски одела чекорат кон бродот „Viking“ на Марс во 1979-та година.
Поранешната вработена во НАСА, наведува дека оваа мистериозна случка ја видела додека ги прегледувала фотографиите кои ги пратил роверот „Viking Mars Lander“. Инаку овој ровер е првото возило кое прати фотографии од површината на Црвената планета.
Џеки исто така тврди дека таа управувала со телеметриските податоци со „Viking“ во моментот кога се случил инцидентот, и дека видео сигналот одеднаш бил прекинат.
- Роверот одеше наоколу. Тогаш видов двајца мажи во вселенски одела, но не оние гломазните кои ние ги користевме, но изгледаа како заштитни одела. Дојдоа од хоризонтот и чекореа кон „Viking Explorer “ , изјави Џеки во интервјуto пренесено од International Business Times.
Taa инаку тврди дека како сведоци на настанот се уште 6 други нејзини колеги.
НЛО блоговите и теоретичарите на завери ја подржаа приказната на Џеки и велат дека луѓето биле на Марс за да ги исчистат соларните панели на роверот. Останува да видиме што ќе излезе на крај.