Жителите на Монголија вчера утрото беа сведоци на несекојдневен спектакл, кога на небото се појавија три Сонца.
Можеби на нас обичните лаици ни изгледа како научна фантастика, но за метеоролозите ова е добро познат феномен. Всушност се работи за оптичка појава наречена „пархелиј“ или „лажно сонце“, кога се гледаат два отсјаја од Сонцето на иста висина над хоризонтот. Набљудувачот во тој момент мисли дека навистина постојат три Сонца.
Феноменот настанува преку рефракција на светлината низ хексагонални кристали од мраз во ретките облаци. Некои од метеоролозите сметаат дека пархелиите се предвесници за дожд. Оваа иста појава последен пат се појавила во Монголија пред четири години, исто така во јануари.