Волонтерите на НАСА скенирале илјадници слики од телескопот Spitzer, на кои се гледаат чудни жолти топки. По понатамошните анализи, научниците веруваат дека овие топки претставуваат рани фази на формирање на масивни ѕвезди.
- Волонтерите почнаа да зборуваат за жолтите топки кои постојано ги забележуваа во нашата галаксија и го свртија нашето внимание, изјави Грејс Волв-Чејс, од планетариумот во Чикаго.
Токму анализите покажале дека всушност тоа е место каде што се формираат ѕвезди.
- Ги анализиравме топките и сфативме дека тие се нов начин преку кој ќе ги откриеме раните фази на формирање на ѕвезди, изјави Чарлс Кертон од универзитетот во Ајова.
Волонтерите скенирале фотографии на кои се гледа како новородените ѕвезди се запалуваат во делови од прашина. Инфрацрвените брановни должини се бои кои се видливи со голо око. Исто така, има и многу зелени меури со црвена точка на средина, кои живеат во вителот на гас и прашина. Токму овие меури се резултат на масивни новородени ѕвезди. Зелените меурчиња се создадени од органски молекули наречени полициклични ароматични јаглеводороди, кои се наоѓаат далеку од радијацијата и ветерот од централната ѕвезда. Црвениот центар во меурите всушност е прашина која ја загрева ѕвездата.