Леталото на НАСА, Dawn, наскоро би требало да го заврши своето 8-годишно патување кон џуџестата планета Церес. Сондата ќе влезе во орбитата на Церес во петок, по поминати пет милијарди километри.
Церес е првата од двете џуџести планети во Сончевиот систем, кои оваа година ќе бидат посетени. Леталото на НАСА, New Horizons веќе е на пат кон Плутон, до кој ќе стигне во јули.
Џуџестите планети имаат сферен облик, но за разлика од обичните, во близина имаат други небески тела со слична големина.
Dawn за прв пат е лансирана во 2007 година, а првата станица ја направи покрај астероидот Вест. На Земјата испрати над 30.000 фотографии од појасот на астероидот, а потоа продолжи кон конечната дестинација. Во наредните месеци, треба да испраќа јасни фотографии од Церес и да ги испита водените испарувања во двата региони на планетата, чиј извор не е познат.
Вест и Церес се наоѓаат во зоната помеѓу Марс и Јупитер, а исполнети се со камења кои никогаш не станале доволно големи за да може да се сметаат за планети. Тие се некој вид на фосили од времето кога настанал Сончевиот систем. Dawn ќе го пручува Церес 16 месеци, а откако ќе ја заврши мисијата ќе остане на најниска оддалеченост од нејзиното тло се додека природно не се сруши.