Скот Кели ќе тргне на патување преку кое би требало да ги испита промените кои ќе настанат кај човекот. Овој 51-годишен астронаут ќе живее на Меѓународната вселенска станица цела година, со цел да ги тестира сите психолошки и физички предизвици со кои ќе се соочат астронаутите на патот кон Црвената планета.
Скот вели дека сфаќа во колкав ризик се впушта, со оглед на тоа дека до сега не е испитано како влијае долгиот престој во вселената врз човечкото тело и дух, но сепак сака да учествува во оваа студија.
- Ова е една од работите поради која би ризикувал и за која ми е чест да учествувам, изјавил Скот.
За да се измерат сите промени кои се случуваат во неговото тело за време на мисијата, неговиот брат близнак Марк, исто така астронаут, ќе го помине тоа време на Земјата.
- Мораме да откриеме како ќе живеат луѓето во вселената на подолг временски период, особено ако некој сакаме да го пратиме на Марс или на базата на Месечината, додал Марк Кели.
Со оглед на тоа дека патувањето до Марс трае 18 месеци, НАСА се надева дека оваа експедиција јасно ќе покаже дали тоа патување воопшто е можно.