Научниот институт SETI, кој се занимава со интелигентни видови на вонземски живот, нема намера на „малите зелени човечиња“ да им прати само една порака, туку целиот интернет.
- Така голем корпус на информации со текстови, фотографии, видео снимки и звуци, би им овозможиле на паметните вознемјани толку многу да научат за нашето друштво, изјави Сет Шостак, директор на институтот.
Сет е астроном кој одамна смета дека Земјата треба да го направи првиот чекор во комуникација со другите интелигентни суштества од вселената. Дури и ако некој во универзумот ги слушнал нашите повици, можеби не сакал да ни одговори. Потрагата трае многу децении, но до сега нема никакви докази дека не сме сами во вселената.
- Можеби потребно е да ги соопштиме и нашите намери, за да стигнеме до одговорот, се надева директорот на одделот за создавање на меѓуѕвездени пораки во SETI, Даглас Вакоч.
Судејќи по она што е напишано, Сет планира да емитува комплетна содржина на интернет во вселената, а ако некој интелигентен вид постои, ќе ги има сите информации за нас.
- Едноставни пораки можеме да праќаме со децении. Не треба да праќаме разгледници како до сега, туку да понудиме поголема количина на информации. Треба да создадеме моќен ласер кој би можел да ги прати податоците за само неколку денови, додаде Сет.