Роверот Curiosity откри дека може да постои вода во течна состојба на Марс. Иако Црвената планета е премногу ладна за да има течна вода, солта во почвата ја намалува точката на замрзнување и со тоа дозволува создавање на тенки слоеви течности.
Резултатите се во склад со теоријата дека темните пруги на кратерите на Марс всушност направиле водени текови. Научниците сметаат дека тенкиот слој вода се јавува кога солта од почвата ја апсорбира водената пара од атмосферата. Температурата на тенките слоеви е премногу ниска за да подржи било каков облик на живот, кој ние го познаваме.
Сепак, можно е и покрај силната радијација, да постојат зони на планетата во кои условите се погодни за развој на организми.
- Гледаме дневен воден циклус, а тоа е многу важно. На Земјата имаме размена на вода меѓу почвата и атмосферата преку дожд, но тоа не е случај и со Марс. Таму влагата од атмосферата се апсорбира во почвата и настануваат физиолошки раствори, изјави Хавиер Мартин Торес, еден од истражувачите на оваа мисија.
Уште одамна, научниците претпоставиле дека темните пруги на површината на Марс се некогашни речни корита.
- Иако тоа е само шпекулација, новото откритие е потврда дека треба да продолжиме во тој правец, изјави Торес.