Американската вселенска агенција започнала нов проект, најамбициозен до сега, за да најде знаци за живот надвор од нашиот Сончев систем. Проектот наречен „Nexus for Exoplanet System Science - NexSS“ би требало да прошири мрежа на истражувачки центар, која ќе бара егзопланети.
- Овој интер-дисциплинарен потфат поврзува неверојатни истражувачки тимови и нуди обединет пристап за потрага по планети со најголем потенцијал за живот, изјави Џим Грин, директор на одделението за планетологија на НАСА.
Потрагата за егзопланетите не е приоритет само на астронаутите, туку и на климатолозите, објаснува Грин.
- Научниците кои работат на NexSS нема само да ги испитуваат постоечките податоци, туку и ќе ги анализираат пронајдоците од идните мисии, додава Пол Херц, директор на одделението за астрофизика на НАСА.
Главниот цел на проектот е наоѓање одговор на прашањето дали постои вонземски живот. Телескопот Кеплер пронашол повеќе од 1.000 планети, од кои барем пет, според досегашните сознанија, може да бидат поволни за живот.