Научниците ја снимиле најдобрата слика до сега од мистериозни вонземски светла кои се гледаат на површината на џуџестата планета Церес. На почеток се верувало дека се работи за две светли точки, но всушност било серија на неколку помали светла групирани заедно.
Ова е откриено на последните фотографии од џуџестата планета, направени од вселенското летало Дон, кое на 3 и 4 мај орбитирало 13.600км од неговата површина. Научниците се уште не може да ја објаснат композицијата и изворот на јаките светла, но затоа веќе се појавиле разни теории. За сега тие заклучиле дека се работи за јаки светла создадени од рефлексија на Сончевата светлина, кои се рефлектираат на некој вид материја која се наоѓа на планетата. Можно е да се работи за лед, проценува Кристофер Расел, главниот истражувач на мисијата.
Сепак, се додека Дон не и се приближи се повеќе на планетата, мистеријата на светлата нема да биде решена. Кружењата на леталото се случуваат на секои 3 дена и тоа спуштајќи се сè пониско. До декември Дон ќе се спушта се пониско, додека не достигне висина од 260км над површината, а фотографиите кои тогаш ќе се направат на оддалеченост ќе бидат 100 пати подобри од овие кои се прават сега.