Шестата најголема месечина на Сатурн, Енкелад, е свет на чија површина преовладува температура од -180°С, а кој во исто време е и потенцијален дом за микроорганизми.
Според фактите дека површината на Месечината е покриена со 30 или 40км дебел слој на лед, научниците сметаат дека под него можеби има услови за појава на едноставен живот. Овие предвидувања се појавиле по новите фотографии од Месечината, кој ги направил орбитерот на НАСА, Касини. Покрај другите работи, Касини на Земјата пратил фотографии од воден млаз кој избива од под дебелиот слој лед.
Споменатите млазови се наоѓаат на јужната полутопка, а потекнуваат од морето кое најверојатно е длабоко од 8 до 10км. По преглед на елементарните супстанци во внатрешноста на млазот, научниците откриле дека водата од Енкелад има pH вредност 12. На Земјата постојат региони со слична pH вредност, како што е езерото Моно во Калифорнија, а кое всушност е одличен дом за алги, мушички и други слични организми.
Исто така, pH вредноста е доказ за ослободување на водород во процесот познат како серпентинизација, а кој потекнува од камен кој се наоѓа под мразот. Ослободениот водород би служел како совршена храна за организмите кои можеби се движат во длабочина на морето на Енкелад.