LG Display, подружница на LG, која се занимава со развој на OLED панели претстави неверојатно тенок телевизор за да докаже дека и тоа е возможно.
На конференцијата за печат во Кореа, LG Display покажа "wallpaper" како доказ за концептот.
Овој 55 инчен OLED (organic light-emitting) екран тежи 1,9 килограми, а дебел е помалку од милиметар.
Благодарение на магнетната позадина, овој телевизор може да се залепи на ѕид, а за негово отстранување доволно е да го одлепите екранот од подлогата.
HD технологијата се префрли на повисока брзина пред неколку години со технологиите како што се LCD (Liquid Crystal Display) и плазмата, но од тогаш се повеќе се вртиме кон LED технологијата. Многумина веруваат дека токму OLED е следната голема работа.
OLED екраните работат на начин на кој електричната енергија пропушта слој на органски спој кој во таа прилика емитира светлина.
Овој процес не побарува позадинско осветлување, па OLED екраните се потенки и штедливи и можат да се виткаат, но се поскапи од постоечките LCD и плазма екрани
LG Display најави дека очекува да се продадат 600.000 OLED TV екрани оваа година и 1,5 милиони следната година.