Робот уби работник во фабриката на Фолксваген во Германија, известува Financial Times.
Еден 21 годишен работник го инсталирал роботот, а овој во еден момент силно го удрил во градите. Работникот починал по инцидентот.
Обвинителите ја истражуваат смртта на работникот, но на интернет почна да се зборува за тоа дека ова е првото убиство извршено од робот.
Портпаролот на Фолксваген, рекол дека тоа не е робот кој е наменет да работи заедно со луѓето, а тоа значи дека бил во сигурносен кафез внатре во кој се нашол починатиот работник, се наведува во извештајот. Така што може да се каже дека роботот не бил расипан.
Смртта на работникот пристигнува во време кога се погласно се зборува за поделеното мислење околу сигурноста на работите. Организацијата Future of Life Institute (FLI) која се темели на донација од извршниот директор на Тесла, Елон Муск во износ од 10 милиони долари, а неодамна објавија дека 7 милиони долари ќе искористат на различни проекти чија цел е контрола на вештачката интелигенција.
Еден проект сака да помогне околу оружјето со кое управува вештачката интелигенција да се држи под човечка контрола.
Додека интернет хистеријата околу смртта на овој работник продолжува да расте во форма на црна комедија, многу како што се Елон Муск, Стив Вознијак и Бил Гејтс, ја делат сериозната загриженост поради опасноста роботската технологија да не ја преземе контролата од луѓето.