Facebook најави дека ќе користи 100% од енергијата на ветерот за напојување на својот центар за податоци во Тексас.
Оваа мегастрана за социјално вмрежување има за цел во идните три години 50% од своите операции да ги напојува со обновливи извори на енергија.
Facebook склопи партнерство со компанијата Alterra Energy, за да изгради 202 мегаватна електрана на ветер на 17.000 хектари во Fort Worth. Компанијата нема да ја поседува оваа електрана на ветер, но ќе ја купува енергијата за објектите со податоци во кои се наоѓаат компјутери и системи за складирање на податоци.
Fort Worth е петтиот центар за податоци кој ќе се користи за обработка на растечката побарувачка на корисниците на Facebook и Messenger.
Facebook во овој момент има 1,5 милијарди корисници ширум светот кои секој ден испраќаат по 45 милијарди пораки, гледаат 4 милијарди видеа и објавуваат 2 милијарди слики.