Деновиве веруваме дека повеќето луѓе почнаа да ги пуштаат своите клима уреди, но многу е можно само мал дел да ги исчистиле и сервисирале пред да ги пуштат во употреба, а тоа би требало да се прави секоја година според упатствата на произведувачите.
Затоа се поставува прашањето колку знаеме за клима уредите кои ги имаме во нашите домови.
Знаете ли колкава е влажноста во вашата дневна соба, притисокот на воздухот во кујната или количината на испарливи органски соединенија во вашата спална соба?
Секако дека тоа е една од последните работи за кои се грижите, но според бројните студии, воздухот кој го вдишуваме во затворените простории на својот дом, многу влијае на нашето здравје и расположение.
За да бидете во можност да ги следите климатските услови во својот дом, на пазарот можете да го пронајдете системот Cubesensors, кој е мал коцкаст сензор кој со Wi-Fi се поврзува на вашиот паметен телефон, и преку апликација ви ги прикажува резултатите на она што се случува во просториите во кои живеете.
Во продажба се нудат сетови од 2,4 и 6 сензори по цена од 235 до 455 евра, а секој вклучува базна станица која се поврзува со мобилна апликација преку рутер или модем, а пред читањето коцката треба само да се протресе.
Освен податоците кои ви ги прикажува апликацијата, коцката и сама ќе ви го прикаже воздухот преку бојата на светлото, па сината боја ќе ви каже дека се е ок, а црвената е знак дека со вашиот воздух не е се во ред, па детално ќе морате да се консултирате со апликацијата.
Инаку, ако имате проблеми со рчењето, еден од виновниците за оваа непријатна појава може да е сувиот воздух, па апликацијата ќе ве советува да го вклучите освежувачот за воздух.