Се очекува дека ќе поминат барем уште 5 години додека дроновите не земат поширока примена, а планот е до тогаш да се решат техничките препреки, но и да се уредат правни рамки за дроновите.
Швајцарската пошта објави дека наскоро ќе почнат да тестираат дронови за достава на пакети, но дека не се очекува овие летечки поштари во поширока примена да влезат во следните 5 години.
Од поштата рекле дека првите тестови ќе траат до крајот на овој месец. Дроновите со осум пропелери се многу лесни и можат да носат товар тежок до килограм на едно полнење и да одат до 10 км оддалеченост.
Самите летала се автоматизирани и треба да летаат до однапред дефинирана патека. Токму времето до широката примена ќе се користи за да се тестираат сите сигурносни аспекти, но и да се среди целата регулатива.
Инаку ваквото испраќање на пакети во Швајцарија би можело да биде корисно во разни кризни ситуации, кои вклучуваат достава на намирници и други нешта на подрачјата кои се отсечени по бура, пренесува Guardian.