За тоа дека Facebook е место и за повозрасните генерации говори неодамнешната анкета која е спроведена во Велика Британија, а која утврди дека еден од шест Британци на возраст над 50 години го користат Facebook за проверување на старите љубови, пренесува Дејли Мејл.
Јасно е дека можноста за поврзување со старите пријатели е една од најдобрите карактеристики на оваа мрежа. Многу стари средношколски парови се пронашле еден со друг токму на Facebook.
Истражувањето на примерок од 3000 личности кое го спроведе веб страната Silversurfers.com покажува интересни трендови.
Утврдено е дека 16 проценти од луѓето на возраст над 50 години објавиле селфи на Facebook за на своите поранешни партнери да им покажат дека добро изгледаат и по толку години.
Исто така интересно е што идните трендови се исто така позитивни, дури 47% од повозрасните луѓе од 50 години ќе поминуваат повеќе време на оваа страна кога ќе бидат уште повозрасни.
Луѓето над 50 години се повеќе стануваат свесни за тоа дека стареат и дека се помалку подвижни па оваа страна најверојатно ќе им биде место на кое ќе го поминуваат поголемиот дел од своето време, за да останат поврзани со луѓето кои ги знаат.