Британските научници развија апликација која може да помогне во намалувањето на симптомите на шизофренија.
Играта наречена Wizard им помага на луѓето на кои им е дијагностицирана оваа болест. Тие секојдневно со помош на играта ги подобруваат своите когнитивни способности.
Играта е дизајнирана така да помогне кај симптомите како параноја и халуцинациите. Впрочем играта е споена со популарната апликација Peak.
“Апликацијата Wizard со лекови може да им помогне на луѓето со шизофренија и нејзините симптоми да ги сведе на минимум“, тврдат научниците.
Истражувањето утврдило дека 22 пациенти кои ја играле играта направиле помалку грешки и вложиле помалку труд во извршувањето на различните тестови.
Кај тие пациенти е подобрено памтењето на датумите, времето и разбирањето на разговорот и другите видови на комуникација.
Оваа игра моментално е достапна само за уреди со оперативен систем iOS, а наскоро ќе можат да ја преземат и корисниците на Android.