Веќе неколку недели се зборува дека Apple iPhone 6s и iPhone 6s Plus ќе имаат Force Touch функција, која дебитираше на Apple Watch и во новите MacBook компјутери.
Но, деталите за тоа како функцијата ќе работи на телефоните беа многу скржави.
Според деталниот извештај, објавен на сајтот 9To5Mac, Force Touch за iOS интерно се нарекува "Orb".
За разлика од функциите на Apple Watch, Force Touch за iPhone корисниците нема да даде нови опции за навигација преку оперативен систем. Наместо тоа, на корисниците ќе им овозможи кратенки за различни акции.
На пример, Force Touch ќе овозможи да пребарувате работи кои ве интересираат во Maps апликацијата, а потоа да започнете turn-by-turn навигација преку Force Touch со бирање на дестинации.
Слично на ова, кога го користите Force Touch на листата со песни, можете да пристапите до апликации како што е додавање на песни на листата или чување на песни offline за подоцнежно преслушување.
Force Touch функцијата ќе биде присутна и на 12.9 инчните iPad модели.