LG е конечно подготвен за продажба на 4K OLED TV, кои прв пат ги претстави во јануари оваа година, а меѓу нив ќе се најде и првиот “незакривен“модел.
Корејската компанија во последните неколку години вложи многу труд и пари во OLED технологијата, верувајќи дека ќе привлече корисници на подобрените нивоа на црна боја, подобри агли за гледање и значително поголемата заситеност на боја.
Во соопштението на LG во кое се најавува претставувањето на новите модели за IFA 2015 саемот, кој наскоро ќе се одржи во Берлин, се наведува дека меѓу OLED ТВ-та ќе се најдат и 65 и 55 инчни модели со рамни екрани кои имаат HDR можност, и пристигнуваат со зголемен распон на бои.
Ако повеќе сакате ТВ со закривен екран, LG ќе го претстави и новиот 55 инчен модел, со што бројот на нивните 4K OLED ТВ-а ќе нарасне на 9 модели.
Меѓу функциите на новите телевизори, LG ги нагласува ултратенките профили, па за 55 инчниот модел велат дека ќе биде потенок од паметните телефони, а на нив исто така ќе се најде и памета платформа webOS 2.0, како и Harman/Kardon звучници.
За сега нема податоци за цената, но велат дека ќе бидат достапни во Европа и САД многу скоро.