Според тврдењето на изворите кои се запознаени со плановите на компанијата Twitter размислува да го зголеми лимитот на карактери во јавните твитови.
Изворот истакнува дека моменталниот CEO на Twitter, Џек Дорски уште еднаш ја разгледал можноста за зголемување на лимитот, по што голем број на корисници ја контактирале компанијата за ова прашање.
Моментално се истражуваат и други методи за зголемување на бројот на карактери во твитовите, а меѓу нив се и исфрлањето на хаштагови, кориснички имиња и линкови од броењето на карактери.
Ова би можел да биде мудар пристап со кој клучните вредности и функции на сервисот ќе останат недопрени додека истовремено ќе се прошири лимитот за карактери во твитовите.
Twitter без сомнеж вложува големи напори и енергија во претставувањето на нови сервиси и единствен концепт, а се за да се зголеми корисничката база и да им се овозможи на корисниците колку што е можно подобро искуство.