На сите ни се познати можностите од користењето на Raspberry Pi компјутерите кои се ограничени исклучиво на фантазијата и умешноста на „направи сам“ мајсторот.
Затоа не не чуди што иноваторот со прекар Mr_fid, одлучил да го користи Pi за изработка на очила за ноќно гледање, а за тој изум да не го задржи само за себе, одлучил да ги објави целосните упатства за негово создавање.
Накратко кажано, за night vision очилата освен Raspberry Pi моделот А мал компјутер, ќе ви треба и Pi Noir камера и Quanum FPV Goggles очила во кит.
Во описот на проектот Mr_fid објаснува дека Quanum очилата поседуваат RCA импут кој им нуди можност со спојување на Raspberry Pi, па доколку имате камера можете да направите очила за гледање во темница.
Ако ве интересира колку ќе ве чини целосната изградба на овие night-vision очила, освен Pi компјутер кој можете да го добиете за некои 44 долари, Quanum FPV очилата во кит ќе ги платите околу 50 долари, додека Pi Noir камерата ќе ве чини 28 долари, што значи вкупно ќе потрошите околу 100-на долари.
Со оглед на тоа дека на eBay можете да купите вистински половни IR очила за тие пари, прашање е дали ви се исплати, секако тоа не се однесува на оние кои сакаат да бидат сам свој мајстор.