На почетокот на својата конференција, Microsoft се пофали со податокот дека Windows 10 во моментов се наоѓа на повеќе од 110 милиони компјутери ширум светот, од кои 8 милиони копии се на деловните PC-ја.
Што се однесува до новите уреди во одделот на поголеми Windows 10 гаџети, компанијата го претстави Surface Book лаптопот, односно конвертабилецот со 13,5 инчи PixelSense екран чувствителен на допир, со резолуција од 3000х2000 пиксели, кој е тежок само 1,6 кг, а со него ќе добиете и Surface Pen stylus пенкало, додека од процесорите од 6-та генерација можете да бирате Core i5 и i7, како и опции со интегрирана графика или Nvidia GeForce GPU.
Најевтиниот Surface Book, чини 1.499 долари, додека за најмоќниот i7 со ќе треба да издвоите 2.669 долари.
Освен book-от, Microsoft го претстави и Surface Pro 4 таблетот кој пристигнува исто така со 6-та генерација на Core процесор (i3, i5, i7), и ќе се продава во верзии од 4, 8 и 16 GB RAM, како и SSD простор за складирање од 128, 256 и 512 GB, како и 1TB.
Батеријата на уредот овозможува до 9 часа репродукција на видео, а како опции се нудат нови Pro 4 Type тастатури, меѓу кои е и една со читач за отпечаток на прсти.
Најевтиниот модел i3 процесор и 128 GB простор за складирање можете да го добиете за 899 долари, додека за модел до 1 TB простор за складирање, Intel Core i7 процесор и 16 GB RAM ќе платите 2.699 долари, што и не е сума која повеќето луѓе би ја платиле за таблет, но ова сепак се добри таблети кои не можат да се споредат со оние на Android и iOS.