Гребаниците на паметните телефони полека, но сигурно заминуваат во минатото благодарение на заштитата која е наменета за iPhone 6S и 6S Plus.
Компанијата Innerexile произведе нова заштита наменета за уредите на Apple која може да се опорави од гребаница за само неколку секунди. Тоа е можно благодарение на микрокапсулите кои содржат некој вид на лепак кој брзо ја пополнува празнината кога ќе дојде до оштетена површина.
Слична технологија имаме видено и кај уредите на LG, G Flex, но новата заштита може да издржи притисок на четка од 3 килограми што е четири пати повеќе.
Благодарение на оваа заштита се појавуваат значително помалку отпечатоци на прсти.
Компанијата Innerexile ја продава својата заштита по цена од 23,99 долари за iPhone 6S и 25,99 долари за iPhone 6S Plus. Испораката ќе започне од месец ноември.