Замислете некој вашите лични податоци да ги шпионира преку мобилен телефон кој го држите во рака, а за тоа не сте свесни.
Една жена тврди дека токму тоа и се случило, па го пријавила својот поранешен сопруг дека без нејзино знаење на телефонот инсталирал апликација со чија помош може да ја следи.
“Никогаш не знам дали тој ги чита моите пораки или ми ги прислушкува разговорите“, изјавила жената кога го пријавувала поранешниот сопруг.
Иако звучи страшно, инспекторот Брајан Хил кој е специјалист во областа на дигиталната форензика, објаснил колку тоа лесно може да се случи и тоа со помош на две апликации mSpy и FlexiSpy.
Апликациите се симнуваат од официјалните страници на произведувачот и чинат околу 8 долари месечно, а често се користат за надгледување на децата и вработените.
Доволно е да се искористи момент на невнимание на сопственикот на мобилниот телефон за да се инсталира една од овие апликации и ќе се има на увид целата активност како и движењето на корисникот на уредот.
FlexiSpy е корисен прислушкувач на телефонот, но потребно е подолго време за негова инсталација. Двете компании напомнуваат дека апликациите се наменети за заштита на корисниците како на пример на децата, но јасно е дека многу лесно можат да се злоупотребат.
Интересно е дека ниту една од овие апликации не може да се пронајде на познатите платформи за продажба како Apple Store така ниту на Google Play.
Експертите велат дека едноставно треба да внимавате на вашиот телефон и секогаш да го носите со вас или пак да наместите лозинка за влез на него.