Samsung се подготви за сезоната на празници и го збогати својот асортиман со својот нов Samsung Gear VR headset, за кој само што започна да прима пред резервации на Amazon, Best Buy и Samsung.com а испораките ќе започнат на 20.11.2015.
За разлика од дивелоперските Innovator Edition headset-ови кои некое време се наоѓаат на пазарот, новиот Gear VR е 19% полесен, и носи подобри ергономски функции како целосно редизајниран touchpad за полесна навигација.
Освен тоа, Gear VR е компатибилен со поголем број на телефони на компанијата вклучувајќи ги Galaxy Note 5, Galaxy S6 edge+, Galaxy S6 и Galaxy S6 edge.
Во соопштението се наведува дека на денот на лансирањето за Gear VR ќе пристигнат многу нови игри, а со помош на Oculus Video ќе гледате дури 9000 видео филмови од Vimeo сервисот и ќе следите преноси во живо на Twitch.
Headset ја носи и функцијата Oculus 360 Photos, која ќе ви овозможи гледање на фотографии во 360 степени, кои како велат ги има повеќе од 200.000.
И на крај, Oculus вели дека една од највозбудливите функции пристигнува во форма на Oculus Social која овозможува дружење со вашите пријатели во виртуелниот свет.
Тоа значи дека можете да изберете аватар, пронајдете пријатели и во нивно друштво да гледате видео без разлика каде се наоѓате.
Gear VR чини 99 долари, секако без телефон.