Во последните неколку години, на пазарот се појавија неколку видови на зимска облека со греење, а неодамна и компанијата Ravean, која преку Kickstarter сака да развие производство и продажба на јакна, џемпер и маица со капуљача, кои би требало да ни овозможат пријатна температура дури и кога живата на термометарот ќе се спушти на -20 степени.
Нивните јакни во себе поседуваат посебни ултра тенки панели за греење кои имаат батерија со напојување од 12, 7 или 5 V.
Благодарение на батериите за кои велат дека сами ги патентирале, јакните дури и на температура помеѓу -10 и -20 степени ќе ви овозможат 10 часа греење на слабо, 5-6 на средно и 3-4 часа на јако греење.
Освен тоа, јакните се опремени со систем за циркулирање на топлина, кое овозможува да се греете на оние места каде што сакате.
Интересно е што облеката Ravean со централно греење е во тоа што батеријата која служи за напојување на грејните плочи може да се користи за полнење телефон и таблет прек USB слот.
Според нивното тврдење, батеријата со едно полнење би требало да овозможи 6 циклуси полнење на вашите гаџети.
Со јакната добивате и ракавици, кои можат да се спојат на систем на греење на јакната со конектор кој оди со ракавите, што значи и прстите ќе ви бидат на топло.
Компанијата наведува дека јакните и ракавиците се изработени од тенок и лесен материјал кој ќе ви обезбеди голема слобода на движење и плус тоа лесно се перат во машина за алишта.
Јакните преку Kickstarter можат да се нарачаат по цена од 165 долари, а испораката би требало да започне следната година.