LG G5 наследник на успешниот G модел 4, би можел да добие метално куќиште, но и нов дизајн, а гласините наведуваат дека телефонот би можеле да го видиме на саемот во Барселона.
Како се ближи крајот на годината, така пристигнуваат многу информации за нови генерации на топ модели на мобилни телефони кои ќе ги видиме на почетокот на следната година на CES или на Mobile World Congress во Барселона.
Па така LG G5, наследникот на моделот G4 би можел да добие метално куќиште но и нов дизајн што сугерира дека корејската компанија ќе се откаже од кожата и пластиката кои досега го красеа задниот дел на телефонот.
Главната причина е веројатно што со квалитетни материјали ќе се борат против топ моделите на конкуренцијата.
LG веќе на V10 телефонот користеше метал, но само како рамка, а ако тргнат во таа насока тоа би можело да значи и губење на батеријата која се отстранува, пренесува Android Authority.
Корејските извори наведуваат дека телефонот би требало да биде претставен на почетокот на годината и тоа во исто време кога може да пристигне и Samsung Galaxy S7.