Microsoft на почетокот на оваа година претстави алатка за која тврдеа дека може да ја погоди возраста на луѓето на фотографијата.
Алатката за кратко време стана вирална, но не толку поради точноста на алгоритмот на компанијата, туку од забава, бидејќи луѓето на социјалните мрежи почнаа да објавуваат фотки на кои тинејџерите и тинејџерките Microsoft во многу случаи им велеше дека имаат над 40 години.
Компанијата сега нуди слична работа, но овој пат се работи за бесплатна online алатка за препознавање на емоции, кои би требало да ни откријат какви се вистинските чувства на луѓето кои се наоѓаат на фотографиите.
Алатката на Microsoft во проценти ќе ви покаже колку некоја личност е среќна, лута, изненадена, весела, згрозена или тажна.
Иако ни овој пат компанијата не веруваме дека ќе не убеди во точноста на алгоритамот, веруваме дека повторно добро ќе се забавуваме.
Освен што ќе можете да ја проучувате емоционалната состојба на вашите пријатели, соработници или членови на семејството, ви предлагаме де ставите и слика на нашите политичари.
Секако сето тоа правете го чисто за забава.