Технолошкиот стартап Iceye развива радарски инструмент (кој би бил сместен во микро-сателити) кој би овозможувал снимање и испраќање на слики во реално време, без разлика на временските (и дневни/ноќни) услови.
Сликите добиени на овој начин првенствено би биле користени при катастрофи од секаков вид, со цел да се помогне на службите/организациите за спасување. Исто така, разни индустрии како логистичката, енергетската, агрикултурната и сл. би имале огромна корист од ваков тип на технологија, бидејќи брзиот пристап до сликите би им овозможил многу подобар увид во нивната работа.
Iceye системот е уникатен бидејќи не се базира на традиционалната оптичка технологија – за разлика од „обичните„ камери во слични уреди, нивниот радар е способен да „гледа“ низ облаци, лоши временски услови, како и темнина. Минијатуризацијата на уредот допринесува до брзо и ефективно лансирање не на еден, туку на десетици сателити истовремено при што се редуцира времето на реагирање (при некој катастрофален настан) од денови (потребни да се лансираат класични сателитски уреди), до (буквално) минути.
Сателитите на Iceye се 20 пати полесни од оние кои моментално се користат од разни владини и воени установи (благодарејќи на компонентите од кои што се изработени, а се користат и во останатата комерцијална мобилна технологија), и се дизајнирани да функционираат во „роеви„ од неколку уреди.