Иако многу експерти се слогласуваат дека платформата за Windows Phone на Microsoft е прилично голем залак за хакерите, нив тоа не ги спречува да ги крадат вашите податоци од уредот на други начини, при што главниот проблем е неодговорноста, неупатеноста и наивноста на самите корисници.
Затоа овие денови на Twitter се огласи компанијата Bside Software, која ја произведува најпопуларната Twitter апликација за Windows Phone под називот Tweetium, со предупредување дека во Windows 10 Store се појавила лажна апликација која има многу слично име, но нема никаква врска со нив, и во себе содржи тројански софтвер чија улога е да ги украде вашите лозинки и да ги испрати на сајбер криминалците.
Накратко кажано, лажната апликација се нуди под називот Tweetium Beta (free), па Bside предупредува да на је превземате.
Покрај тоа, истражувачите откриле дека истата група кој стои позади оваа апликацијаи во Windows 10 store објавува лажни верзии на другите апликации, што упатува на тоа дека хакерите се повеќе се ориентираат на таков начин на упад во нашите компјутери, гаџети наместо да се занимаваат со чисти "bruteforce" напади, барајќи дупки и багови во самиот софтвер и оперативните системи.
Ова им е многу поедноставен начин, а на располагање секогаш имаат доволно голема критична маса на наивни луѓе.
Експертите предупредуваат дека и Microsoft треба да обрати значително повеќе внимание во врска со апликациите во нејзината продавница, и штом ќе ги детектира да ги брише, особено затоа што се наоѓа пред издавање на мобилната верзија на Windows 10.