Веројатно ви е познато дека екранот е најголемиот потрошувач на енергија на вашиот паметен телефон, па намалувањето на нивото на светлина е најдобар начин малку да заштедите на батерија.
Компанијата Bodle Technologies, чии истражувачи и инженери развиваат напредни оптоелектронски системи, започна да тестира свои нови типови на екрани, кои се темелат на фазно променливи материјали кои трошат минимум електрична енергија, но и понатаму би требало да ни овозможат остра и жива слика видлива и на силна сончева светлина.
Иако компанијата за сега ги крие деталите на својата технологија, бидејќи уште не ги заштитиле со патент, познато е дека вклучува испраќање на електрични пулсови во проѕирни слоеви кои се виткаат. Пулсовите се ултракратки, и се движат во рамки на наносекунда, додека екранот во статички мод воопшто не троши струја, па затоа потрошувачката на енергија е многу ниска.
Boddle Technologies смета дека во блиска иднина ќе можеме да заборавиме на секојдневно полнење на нашите паметни телефони, бидејќи благодарение на овој екран, батериите на нашите гаџети ќе траат и по една недела без да ги загубат перформансите, за разлика од е-инк екраните и другите решенија кои поради заштеда на енергија го жртвуваат квалитетот на сликата.