Li-Fi е безжична технологија развиена во 2011-та од професорот Harald Haas од the University of Edinburgh и во споредба со Wi-Fi, податоците ги испраќа со огромни брзини (224 gigabits во лабораториски услови), користејќи ја VLC (visible light communication) технологијата.
Li-Fi функционира на некој начин како морзеов код – со константно трепкање на LED светлината при екстремни брзини (незабележителни за човечкото око) се пренесуваат податоците во бинарен код кој би го препознавале останатите уреди.
Естониската startup компанија Velmenni е заслужна за „вадење“ на оваа технологија од истражувачките лаборатории, бидејќи веќе почнала да ја испробува комерцијално - во канцеларии и индустриски објекти каде што успеале да постигнат трансфер од 1GB во секунда, што е 100 пати побрзо од просечните брзини на Wi-Fi уредите, а тоа го направиле со користење на „паметни“ сијалици.
Oвој начин на пренос на податоци е и побезбеден (особено за канцелариски услови), бидејќи светлината не поминува низ ѕидови и има помалку мешање на сигналот помеѓу различните уреди.
Иако Li-Fi е се уште во зачеток, има огромни шанси за многу кратко време (неколку години) таа да овозможи на секого пристап до интернет преку LED светилки во нивните домови.