Социјалните мрежи во целост ги затресе нова апликација наречена Peach, креирана од Дом Хофман, еден од основачите на познатиот Vine.
Всушност, оваа нова апликација е мешавина од Twitter и Slack, а откако ќе создадете профил и ќе додадете пријатели, ќе добиете преглед на она што го објавуваат вашите пријатели на нивниот ѕид.
Исто така може да ги лајкувате и да коментирате на објавените постови, а на својот ѕид може да објавите сè што ви падне на памет, од гифови до фотографии.
На дното на екранот се наоѓаат т.н. magic words (магични зборови), преку кои се активираат одредени опции во статусите. Ако го напишете зборот „here“ ќе ја додадете вашата моментална локација, „draw“ ќе ви овозможи да цртате по екранот, „tv“ ќе ви овозможи да споделете што гледате моментално, а постојат и уште мноштво интересни работи. Така на пример, зборот „song“ ќе ја идентификува која песна моментално ја слушате, додека зборот „weather“ ќе ви ја објави моменталната временска прогноза.
Преку оваа апликација се уште не е можно допишување, но наскоро би можела да се појави и таа опција. Во еден момент, апликацијата ја користеа огромен број на луѓе, што дојде до пад на серверот. Дали Peach ќе успее да ја достигне популарноста како Slack, Snapchat и останатите популарни апликации, останува да видиме.