Компаниите Kopin и Hitachi Maxell, на овогодинешниот CES 2016 саем во Лас Вегас ги претставија своите нови SiMax литиим-јонски батерии кои се базираат на SiO-C технологија, односно користење на силициум оксид и на јаглерод во анодата, што им овозможува двојно поголем капацитет во однос на стандардните.
Благодарение на ова технолошко унапредување, наскоро гаџетите кои се носат и мобилните уреди можат да бидат значително помали и полесни, додека долготрајноста на батеријата ќе им понуди значително поголема автономија и работа.
Kopin и Hitachi Maxell склопија договор според кој Kopin ексклузивно ќе им понуди на OEM-те батерии на SiMax брендот за користење во гаџетите кои се носат на глава како VR/AR headset-ви и паметни очила, а иницијалната продукција ќе започне во вториот квартал оваа година.
Првата батерија произведена со оваа технологија ќе се најде во Kopin Solos паметните очила за велосипедите, а пристигнува во големина од само 46 x 10,5 x 5,5мм, со капацитет од 400 mAh.
За сега не е познато кога батеријата за новата технологија ќе се најде во паметните телефони, таблети и лаптопи, но сигурни сме дека нема да треба долго да чекаме доколку се навистина толку добри колку што тврдат.
Solos Bio-Inspired Performance Wearables from Solos Wearables on Vimeo.