Најновата гласина која ја носи јапонскиот медиум Nikkei, говори за тоа дека Apple започна со продукцијата на малиот 4 инчен iPhone, чие лансирање се очекува во март 2016.
Според изворот со кој располага Nikkei, станува збор за уред iPhone 6c, за кој во некои претходни гласини се велеше дека ќе се нарече iPhone 5se.
Иако Apple ништо од тоа не потврди, сепак упатените во нештата велат дека уредот ќе работи на постара комбинација А8 и М8 процесори и копроцесори, но големо прашање е дали тој чипсет ќе може да ги одржи перформансите во работата со најновата надградба на iOS кои имаат се поголеми побарувања, па некако сепак очекуваме дека хардверот ќе биде нешто посилен.
Во секој случај, кога Apple на својот настан во март ќе го претстави новите модели на Apple Watch и iPad Air 3, ќе дознаеме дали iPhone 6c е навистина новиот нискобуџетен уред на тимот од Купертино со кој сакаат да освојуваат нови корисници кои имаат малку поплиток џеб.