Двајцата инженери од Канзас Сити направија рекорд кој ќе ги внесе во Гинисовата книга на рекорди, бидејќи нивниот робот кој се состои од мотори, веб камера и 3Д печатени делови успеа неколку пати да го сруши светскиот рекорд на сложување на Рубиковата коцка и да постави резултатот од само 1,047 секунди.
И претходните рекорди, исто така беа постигнувани од роботи бидејќи за луѓето Гинисовиот рекорд е нешто побавен, иако сепак станува збор за импресивни 4,904 секунди за колку минатата година успеа да ја склопи рубиковата коцка 14 годишниот Лукас Етер.
Во секој случај погледнете го видеото и видете како роботот кој е наречен Kociemba ја решава Рубиковата коцка побрзо од што и треба да се врати во рацете на инженерот кога ќе ја фрли на висина од половина метар.