Познатиот моден дизајнер Isaac Mizrahi, кој е и сопственик на брендовите Isaac Mizrahi New York, Isaac Mizrahi Jeans, Isaac Mizrahi Fabulous и IsaacMizrahiLIVE!, се здружи со HP, за да му изработат часовник кој претставува комбинација на аналоген и паматен часовник наменет за дамите.
Часовникот затоа поседува аналогно „лице“ со позлатени бројки и механички стрелки, а на рабовите има Swarovski кристали додека паметните функции му овозможуваат стакло кое всушност е провиден екран на кој се проектираат известувања за СМС, повици, мејлови па дури и чекорите кои сте ги изоделе, претрчале, со оглед на тоа дека во себе има вграден педометар како што се гледа во самото видео.
Часовникот работи во соработка со Android 4+ или iOS 8+ телефон со кој е поврзан преку Bluetooth, а HP наведува дека во случај да го користите исклучиво како часовник батеријата ќе ви трае со години, додека при користење на паметниот екран ќе имате 5 дена, по што ќе треба да го полните преку USB.
Часовникот на официјалната страна се продава преку online преднарачка за 250 долари и е достапен во посребрена или позлатена верзија на куќиште од нерѓосувачки челик.