Microsoft успеа да го купи тимот SwiftKey, кој развива тастатури за мобилни уреди за околу 250 милиони долари, се наведува во новиот извештај на Financial Times.
Иако и двете компании и понатаму молчат за овој договор, во извештајот се порачува дека се ќе биде изнесено пред јавноста многу скоро.
SwiftKey е популарна апликација на тастатура која моментално е достапна на Android и iOS платформите и инсталирана на околу 300 милиони уреди. Прв пат е објавена во 2010 година за Android, за веќе во 2014 да пристигне и на iOS платформата.
Иако на почетокот беше апликација која се плаќа, SwiftKey подоцна стана бесплатна, но почна да нуди можности за купување внатре во апликацијата.
Имајќи предвид дека Microsoft веќе нуди апликација на тастатура наречена Word Flow (и е достапна само за Windows Phone), малку е чудно компанијата да купува ваква апликација.
Сепак во извештајот се наведува дека технологијата која се користи на оваа тастатура може да се искористи за неколку други производи на оваа компанија.