Популарната повеќе платформска мобилна апликација за размена на пораки која се наоѓа во сопственост на компанијата Facebook, го доби милијардитиот корисник.
Тоа се прилично добри вести за нејзиниот извршен директор Марк Зукерберг, кој пред две години одлучи да ја купи WhatsApp за 19 милијарди долари, верувајќи дека еден ден ќе стане една од најкористените платформи за комуникација на светот.
И покрај тоа што не носи пари, секако е попопуларна од Facebook, кој неодамна го надмина бројот од 800 милиони корисници.
Пред купувањето на WhatsApp, во просек ја користеа 450 милиони корисници месечно и донесе заработка од 10.8 милиони долари годишно. Најголем дел од парите потекнуваше од корисниците кои за нејзиното користење на годишно ниво плаќаа 0.99 долари.
Зукерберг оваа пракса ја укина минатиот месец и изјави дека WhatsApp ќе остане ослободена од реклами, Компанијата сака апликацијата да ја претвори во средство кое најмногу ќе се користи во сферата на бизнисот, односно со која компаниите ефикасно ќе можат да остварат комуникација со клиентите.