На популарната апликација за комуницирање WhatsApp се појави нова измама, чија цел е измамниците да дојдат до вашите лични податоци.
За да го постигнат тоа, хакерите испраќаат сомнителни линкови кои изгледаат како да доаѓаат од вашите пријатели и се појавуваат како дел од разговор, но ако кликнете на нив ве префрлаат на веб страница која бара лични податоци.
Ако не ја разберете измамата и ги поминете сите упатства со цел да добиете ваучери, вашиот телефон ќе биде заразен со „тројанци“, преку кои измамниците ќе имаат пристап до вашите податоци, пишува „Унилад“.
Телекомуникациските компании предупредуваат корисниците да бидат внимателни при отворање на линковите од WhatsApp и наведуваат неколку знаци кои укажуваа дека станува збор за измама:
1. Линкот ве упатува да ја испраќате пораката понатаму.
2. Ве предупредува дека вашата сметка ќе биде затворена ако не ја испратите пораката понатаму.
3. Ви ветува награда ако ги поминете сите упатства до крај.